ப்ரவுசர் ட்ரிக்ஸ் அண்ட் டிப்ஸ்

நாம் பயன்படுத்தும் அனைத்து பிரவுசர்களும், மேம்போக்காகத் தெரிவதைக் காட்டிலும், கூடுதலாகவே பல வசதிகளை நமக்குத் தருவதாய் அமைந்துள்ளன. நீங்கள் பயர்பாக்ஸ் நண்பராகவோ, அல்லது இன்டர்நெட் எக்ஸ்புளோரரின் பக்தராகவோ, குரோம் பிரவுசரின் தீவிர ரசிகராகவோ இருக்கலாம்.

அனைத்து பிரவுசர்களும் இந்த கூடுதல் வசதிகளைத் தருவதாகவே அமைந்துள்ளன. இங்கு அதற்கான டிப்ஸ்கள் தரப்படுகின்றன. இவற்றைப் பயன்படுத்து வது உங்கள் கைகளில்தான் இருக்கின்றன. இந்த டிப்ஸ்களில் அறிமுகப்படுத்தப்படும் பல ஆட் ஆன் புரோகிராம்களும் இலவசமாகவும், எளிதில் பயன்படுத்தும் தன்மை கொண்டதாகவும் உள்ளன என்பது குறிப்பிடத்தக்கது.

பயர்பாக்ஸ் ரசிகர்களுக்கு மட்டும்:

1.ஜிமெயிலைச் சிறப்பாக்க:

ஜிமெயில் பயன்பாட்டில் நமக்குச் சில கூடுதல் வசதிகளைத் தர Better Gmail2 என்னும் சிறிய தொகுப்பு கிடைக்கிறது. https://addons.mozilla.org/enUS/firefox/addon/6076/)

இதில் சில ஸ்கிரிப்ட்களும், ஆட் அன் தொகுப்புகளும் இணைக்கப்பட்டுள்ளன. ஜிமெயில் பட்டியலில், உங்கள் மவுஸைக் கொண்டு செல்கையில், அந்த மெயில் ஹைலைட் செய்யப்படும். இதனால், நெருக்கமாக உள்ள அந்த பட்டியலில், உங்கள் கர்சர் எங்கு நிற்கிறது என்று தெளிவாகத் தெரியும்.

கூடுதலாக நீங்கள் இன்னும் படிக்காத மெயில்கள் எத்தனை என்ற கணக்கு காட்டப்படும். மெயிலுடன் இணைக்கப் பட்டுள்ள பைல்களின் பெயர்களும் காட்டப்படும். இதன் முன் தொகுப்பான் ஜிமெயில்1, குரோம் பிரவுசருக்காக வடிவமைக்கப்பட்டுத் தரப்பட்டது.

2.படிவத்தில் உள்ள டெக்ஸ்ட்டைக் காப்பாற்ற:

சில படிவங்களில் தகவல்களை நிரப்பிக் கொண்டிருக்கிறீர்கள். திடீரென கம்ப்யூட்டர் கிராஷ் ஆகிறது. நிச்சயமாக நிரப்பியது அனைத்தும் நினைவில் இருக்காது. மீண்டும் சரியாக பழையபடி தர முடியுமா என்பது சந்தேகத்திற்குரிய ஒன்றாக இருக்கும்.

இது போன்ற சூழ்நிலையில் நமக்கு உதவ லேசரஸ் பயர்பாக்ஸ் ஆட் ஆன் (Lazarus Firefox addon) QøhUQÓx.https://addons.mozilla.org/enUS/firefox/addon/6984/) கிடைக்கிறது. /6984/)

இதே போல இன்னொரு ஆட் ஆன் தொகுப்பு ஒன்று நாம் டெக்ஸ்ட்டை இணையப் பக்கங்களிலிருந்து காப்பி செய்திடுகையில் உதவுகிறது.

இதன் பெயர் Copy Plain Text ஆகும். இந்த ஆட் ஆன் நாம் காப்பி செய்திடுகையில், டெக்ஸ்ட்டுடன் வரும், தேவையற்ற பார்மட்டிங் வகைகளை நீக்கி, டெக்ஸ்ட் மட்டும் தருகிறது.

அனைத்து பிரவுசர்களுக்கும்:

எட்டு கீகளை அழுத்தாதே:

இணைய தளம் ஒன்றின் முகவரிகளை அட்ரஸ் பாரில் அமைக்கையில், எட்டு கீகளை இனி அழுத்தத் தேவையில்லை. . "www." or ".com" ஆகிய கீகளை பெரும்பாலான இணைய முகவரிகளில் அமைக்கத் தேவையில்லை.

அந்த தளத்தின் தனிப் பெயர் மட்டும் அமைத்தால் போதும். எடுத்துக்காட்டாகdinamalar என மட்டும் அமைத்துப் பின் கண்ட்ரோல் + என்டர் தட்டினால் போதும். உங்களுடைய பிரவுசர் "www." மற்றும் ".com" ஆகியவற்றை சேர்த்துக் கொள்ளும். இதே போல மற்ற வற்றில் முடியும் தளங்களின் பெயர்களை அமைக்கவும் சுருக்கு வழிகள் உள்ளன.

"www" and ".net" என அமைய ஷிப்ட் + என்டர் தட்டவும். அடுத்து “தீதீதீ” ச்ணஞீ “.ணிணூஞ்” என அமைய கண்ட்ரோல்+ஷிப்ட்+ என்டர் தட்டவும். ஏதேனும் இன்னொரு இணைய தளத்திற்கான லிங்க்கினை, ஒரு இணையதளம் தருமானால், அதில் ஸ்குரோல் வீலினால் தட்டவும். உடன் அந்த தளம், இன்னொரு டேப்பில் திறக்கப்படும்.

பெரும்பாலான இணையப் பக்கங்களில் அச்சில் வரக்கூடிய பக்கம் எப்படி உள்ளது என்று காட்டவும், அச்சில் நல்ல முறையில் வரவும் http://www.printwhatyoulike.com/”” வழங்கப்படுகிறது. இதனை எளிதாகப் பெற http://www.printwhatyoulike.com/ என்ற முகவரியில் உள்ள தளத்திற்குச் சென்று உங்களுக்குத் தேவையான பக்கங்களை அச்சில் எப்படி இருக்கும் என்று பார்த்து, அச்சிற்குத் தரவும்.

முழுப்பக்க ஸ்கிரீன் ஷாட்:

இணையப் பக்கம் ஒன்றின் ஸ்கிரீன் ஷாட் வேண்டுமென்றால், அது முழுமையாகக் கிடைக்காது. ஸ்கிரீனில் தெரியும் பகுதி மட்டுமே கிடைக்கும். முழுமையாகக் கிடைக்க வேண்டும் எனில், இதற்கான தேர்ட் பார்ட்டி புரோகிராம் தேவை. ஒவ்வொரு பிரவுசருக்குமான இத்தகைய புரோகிராம் இணையத்தில் கிடைக்கிறது.

Screengrab for Firefox பயர்பாக்ஸ் பிரவுசருக்கும், IE Screenshot இன்டர்நெட் எக்ஸ்புளோரருக்கு, Talon குரோம் பிரவுசருக்கு என்ற ரோகிராம்களும் இணையத்தில் கிடைக்கின்றன. கூகுள் சென்று இவை இருக்கும் தளம் அறிந்து ண்லோட் செய்து பயன்படுத்தவும்.

பயர்பாக்ஸ் டேப்பில் இன்டர்நெட் எக்ஸ்புளோரர்:

நீங்கள் இன்டர்நெட் எக்ஸ்புளோரர் பிரவுசர் பயன்படுத்தாவிட்டாலும், சிலவற்றை அதிலிருந்து தான் பெற முடியும். ஏனென்றால், மைக்ரோசாப்ட் தான் உருவாக்கிய விண்டோஸில் இருந்து கொண்டு மற்ற பிரவுசர்களைப் பயன்படுத்துகிறாயா! இது வேண்டுமென்றால், இன்டர்நெட் எக்ஸ்புளோரருக்குச் செல் எனச் சொல்கிறது.

சில வேளைகளில், குறிப்பிட்ட இணைய தளம், அது உங்களின் தளமாகவே இருக்கலாம், எப்படி இன்டர்நெட் எக்ஸ்புளோரரில் செயல்படுகிறது என நீங்கள் அறிய விரும்பலாம். அந்த வேளையில், பயர்பாக்ஸ் பிரவுசரிலிருந்து வெளியேறி, இன்டர்நெட் எக்ஸ்புளோரரைக் கிளிக் செய்து, பின் உங்கள் வேலையைத் தொடர வேண்டியதில்லை.

பயர்பாக்ஸ் அல்லது குரோம் பிரவுசரிலேயே, ஒரு டேப்பில் இன்டர்நெட் எக்ஸ்புளோரரை வைத்துக் கொள்ளலாம். இந்த டேப்பில் கிளிக் செய்தால், இன்டர்நெட் எக்ஸ்புளோரர் விரிந்து, உங்கள் பயன்பாட்டிற்குக் காத்திருக்கும். இவை IE Tab for Firefox, IE tab for Chromeஎன அழைக்கப்படுகின்றன.

நீங்கள் பயன்படுத்தும், ஒவ்வொரு பிரவுசரிலும், ஒவ்வொரு கம்ப்யூட்டரில் உள்ள பிரவுசரிலும் பல புக்மார்க்குகளை வைத்திருக்கிறீர்களா! இவை அனைத்தையும் ஒருங்கிணைத்துப் பார்க்க முடிவதில்லையா! உங்களுக்காகவே, எக்ஸ் மார்க்ஸ் (XMarks)என்ற ஒரு ஆட் ஆன் தொகுப்பு உருவாக்கப்பட்டுள்ளது.

இதனை இன்ஸ்டால் செய்துவிட்டால், அனைத்து பிரவுசர்களிலும் அல்லது நீங்கள் பயன்படுத்தும் கம்ப்யூட்டர்களில் உள்ள புக்மார்க்குகளை, இது தேடி எடுத்து இணைத்துத் தந்துவிடும்.

தளத்தின் நம்பிக்கை தன்மை:

இன்டர்நெட் தரும் அபாயம் நாளுக்கு நாள் அதிகரித்துக் கொண்டே செல்கிறது. எந்த தளத்தில் நம்மை ஏமாற்றும் வழிகள் உள்ளன என்று நம்மால் அறிய முடிவதில்லை. ஒரு தளத்தின் நம்பிக்கைத் தன்மையை நமக்குக் காட்டும் ஒரு ஆட் ஆன் தொகுப்பு Web of Trust ஆகும்.

இது இணைய தளங்களில் நீங்கள் மேற்கொள்ளும் சுற்றுலாவினைப் பாதுகாப்பானதாக மாற்றுகிறது. நீங்கள் செல்ல இருக்கும் தளம் எத்தனை பேர்களால் பார்க்கப்படுகிறது, இதனை உருவாக்கியவரின் நம்பகத்தன்மை, குழந்தைகள் பார்க்கும் தன்மையுடையதா என்ற தகவல்களைத் தருகிறது.

குரோம் மற்றும் கூகுள் தொகுப்புகளுக்கு: அவுட்லுக் தொகுப்பிலிருந்து ஜிமெயிலுக்கு மாறியவரா நீங்கள்? புதிதாக வந்துள்ள மெசேஜ்களை, அவுட்லுக் காட்டியது போல ஜிமெயில் காட்டவில்லை என்ற குறை உங்களுக்கு உள்ளதா? கூகுள் மெயில் செக்கர் ப்ளஸ் (Google Mail Checker Plus) இன்ஸ்டால் செய்து இந்த குறையை நிவர்த்தி செய்து கொள்ளுங்கள்.

இது நீங்கள் புதிய செய்தி பெறுகையில், ஒலி எழுப்பும். புதிய செய்திகளுக்கான சப்ஜெக்ட் வரியினைக் காட்டும். இந்த செய்தியில் ஏதேனும் மெயில் டு லிங்க் இருந்து, நீங்கள் அதில் கிளிக் செய்தால், உடன் புதிய விண்டோ ஒன்றைத் திறக்கும்.

உங்கள் கூகுள் காலண்டரை அடிக்கடி திறந்து பார்க்கும் பழக்கம் உள்ளவரா நீங்கள்? புதிய பக்கம் எதனையும் திறக்காமல், புதிய டேப் எதன் பக்கமும் செல்லாமல், காலண்டரைப் பார்க்க டே ஹைக்கர் (Day Hiker) என்னும் ஆட் ஆன் தொகுப்பினை இன்ஸ்டால் செய்து கொள்ளுங்கள்.

பிரவுசரிலேயே யு–ட்யூப் தேட:

யு–ட்யூப் தளத்தில் ஏதேனும் தேட வேண்டும் என்றால், மீண்டும் நீங்கள் ஒருமுறை "www.youtube.com" என டைப் செய்து, அந்த தளம் சென்று தேட வேண்டியதில்லை. You Tube Search என்னும் ஆட் ஆன் தொகுப்பினை இன்ஸ்டால் செய்து கொண்டால், உங்கள் பிரவுசர் விண்டோ விலிருந்தவாறே, தேடலை மேற்கொள்ளலாம்.

வேகமாக வெளியேறுங்கள்:

சில வேளைகளில் இன்டர்நெட்டில் பிரவுஸ் செய்திடுகையில் முகவரியை அமைத்து என்டர் தட்டியவுடன் பாதி தளம் இறங்கிய நிலையில் அப்படியே திரையில் காட்டப்படும் காட்சி உறைந்து போய் நிற்கும். காரணமும் நமக்குக் காட்டப்பட மாட்டாது. இந்த சிக்கலிலிருந்து விடுதலை பெற ஒரு சிறந்த வழி எஸ்கேப் கீயை அழுத்துவதுதான். அழுத்தியவுடன் தளம் இறங்குவது நிறுத்தப்படும்.

அதன்பின் நீங்கள் வேறு தளத்திற்கான முகவரியை அமைத்து அந்த தளம் உங்கள் கம்ப்யூட்டரில் இறங்குவதைப் பார்க்கலாம். அல்லது முதலில் இறங்க மறுத்த அதே தளத்தினை மீண்டும் காட்டுமாறு முயற்சிக்கலாம்.

இந்த எஸ்கேப் கீ இன்டர்நெட் எக்ஸ்புளோரர் மற்றும் பயர்பாக்ஸ் பிரவுசர்களில் இந்த பணியை மேற்கொள்கிறது. ஆப்பரேட்டிங் சிஸ்டம் (Operating System): கம்ப்யூட்டரில் ஹார்ட்வேர் சாதனங்களையும் அப்ளிகேஷன் சாப்ட்வேர் புரோகிராம்களையும் இயக்கிக் கண்ட்ரோல் செய்திடும் சிஸ்டம்.

கூகுள் காலண்டர்

கிளவுட் கம்ப்யூட்டிங் குறித்து இப்போது அதிகம் பேசப்படுகிறது. இணைய தளம் மூலமாக, நாம் இணையத் தொடர்பில் இருந்தவாறே, புரோகிராம்களைப் பயன்படுத்தி, நம் செயல்பாடுகளை மேற்கொள்வதே கிளவுட் கம்ப்யூட்டிங்.

இந்த வசதிகளை நமக்குத் தருவதற்கு, சர்வர்களை நிறுவி சேவை செய்திடும் நிறுவனங்கள், நம்மிடம் கட்டணம் பெறுகின்றன. சிறிய சில உதவிகளை, சேவைகளைத் தருவதற்குப் பல நிறுவனங்கள் நம்மிடம் கட்டணம் வாங்காமலேயே இயங்குகின்றன. ஆன்லைன் ஸ்டோரேஜ், ஆன்லைன் கன்வர்டர்கள் போன்றவை இந்த கிளவுட் கம்ப்யூட்டிங் வகையைச் சேர்ந்தவை தான்.

இந்த வகையில் கூகுள் வெகு நாட்களாக பல சேவையினைத் தந்து வருகிறது. அவற்றில் மிகவும் பயனுடையதும், இன்றைய காலத்திற்குத் தேவையானதுமான ஒன்று, கூகுள் காலண்டர். இது வெறும் நிகழ்வுகளைக் குறித்து வைத்துச் செயல்படும் காலண்டர் மட்டுமின்றி, இதன் சேவை இப்போது மொபைல் போனையும் இணைத்து நமக்குக் கிடைக்கிறது என்பது பலருக்குத் தெரிவதில்லை. இந்த இலவச சேவையை எப்படிப் பெறுவது என்று பார்க்கலாம்.

1. இதற்கு முதல் தேவை ஜிமெயிலில் ஒரு அக்கவுண்ட். பின் இதனைப் பயன்படுத்தி கூகுள் காலண்டர் தளத்திற்குச் செல்லவும். அதில் செட்டிங்ஸ் (Settings) என்பதில் கிளிக் செய்திடவும்.

2. அதன்பின் அங்கு கிடைக்கும் டேப்களில் மொபைல் செட் அப் டேப்பில் (Setup) கிளிக் செய்திடவும்.

3. இதில் உங்கள் மொபைல் எண்ணை என்டர் செய்திட வேண்டும். அதன் பின் Send Verification Codeஎன்பதில் கிளிக் செய்து காத்திருங்கள். உங்கள் மொபைல் போன் எண் சோதனை செய்யப்பட்டு அந்த போனுக்கு ஒரு மெசேஜ் அனுப்பப்படும்.

சில நொடிகளில் கிடைக்கும் இந்த செய்தியில் Your Google calendar verification code is என ஒரு எண் தரப்படும். இதுதான் உங்கள் கூகுள் காலண்டர் அக்கவுண்ட்டுக்கான பாஸ்வேர்ட்.

அடுத்து கூகுள் காலண்டரில் வரும் நாட்களுக்கான நிகழ்வுகளை முன் கூட்டியே குறித்து வைக்கலாம். எடுத்துக் காட்டாக மே மாதம் 22 அன்று, மாலை 5 மணிக்கு ஒரு திருமண வரவேற்பில் கலந்து கொள்ள வேண்டும் என்றால், அதனைச் சுருக்கமாக எழுதி வைக்கலாம்.

இது குறித்த செய்தி உங்களுக்கு அந்த நாளில், நிகழ்ச்சிக்கு எவ்வளவு நேரம் முன்னால் உங்கள் போனுக்கு எஸ்.எம்.எஸ். ஆகவும், இமெயிலுக்கு செய்தியாகவும் அனுப்பப்பட வேண்டும் என்பதனைக் குறிக்கலாம்.

30 நிமிடத்திற்கு முன் அல்லது ஒரு நாளுக்கு முன் எனக் குறித்தால், சரியான அந்த நேரத்திற்கு உங்களுக்கு எஸ்.எம்.எஸ். செய்தி கிடைக்கும். ஜிமெயிலுக்கு இமெயில் செய்தி அனுப்பப்படும்.

உங்கள் கூகுள் காலண்டரில் குறித்து வைத்த தகவல்களை நீங்கள் மட்டும் பார்க்குமாறு வைக்கலாம். அல்லது உங்கள் உறவினர்கள் மற்றும் நண்பர்கள் தெரிந்துகொள்ளுமாறும் செட் செய்திடலாம்.

இதனால் உங்கள் நாட்குறிப்பினை நீங்கள் எங்கிருந்தாலும், இணையத்தில் மூலம் பார்த்துத் தெரிந்து கொள்ளலாம். உங்கள் தனிப்பட்ட வாழ்க்கைக்கு ஒன்றும், வர்த்தக மற்றும் அலுவலக நடவடிக்கைகளுக்கு ஒன்றும், நண்பர்களுக்காக ஒன்றும் என எத்தனை காலண்டர்களை வேண்டுமானாலும் வடிவமைத்து வைத்துக் கொள்ளலாம்.

இந்த காலண்டரிலேயே தேடல் வசதி தரப்பட்டுள்ளது. ஒரு குறிப்பிட்ட நிகழ்ச்சி என்று நடைபெற உள்ளது என மறந்து விட்டால், இதன் மூலம் தேடி அறியலாம்.

இது ஒரு இணைய வழிச் செயல்பாடு என்பதால், எந்த ஆப்பரேட்டிங் சிஸ்டம் இயங்கும் கம்ப்யூட்டரிலும் இதனைக் காணலாம். அதே போல எந்த பிரவுசர் வழியாகவும் பெறலாம்.

இந்த சேவை முழுவதும் இலவசமே. கட்டணம் இல்லை என்பது இதன் சிறப்பு. இதனை ஒரு முறை பயன்படுத்தினால், தொடர்ந்து உங்கள் அன்றாட வாழ்க்கையில், உங்களை வழி நடத்தும் நம்பிக்கையான நண்பனாக கூகுள் காலண்டர் மாறுவதனைக் காணலாம்.

கூகுள் காலண்டர் செட்டிங்ஸ் அமைப்பில் லேப்ஸ் என்பதைக் கிளிக் செய்து, இன்னும் என்ன வழிகளில், கூகுள் காலண்டரை நம் உற்ற வழிகாட்டியாக மாற்றலாம் என்பதனைத் தெரிந்து கொள்ளலாம்

பெண்களுக்கான வேலை வாய்ப்பு தளம்

நவுக்ரி டாட் காம் இணையதளம் உங்களுக்கெல்லாம் தெரிந்திருக்கலாம்.இந்தியாவின் முதன்மையான வேலை வாய்ப்பு இணையதளம் அது.இணையத்தில் அந்த தளத்தை பார்த்திராதவர்கள் கூட அதன் அசத்தலான தொலைகாட்சி விளம்பர‌த்தை பார்த்து ரசித்திருக்கலாம்.
நவுக்ரி என்ற பெயரை சேர்த்து கொண்டு வேறு சில வேலை வாய்ப்பு இணையதளங்களூம் இருக்கின்றன.நவுக்ரி இந்தியா,நவுக்ரி ஹப்,நவுக்ரி கல்ப்,நவுக்ரி குரு என நவுக்ரியை உடன் சேர்த்து கொண்டுள்ள தளங்களுக்கு பெரிய பட்டியலே போடலாம்.
வேலை வாய்ப்பு தளங்களின் அடையாளமாக நவுக்ரி.காம் விளங்குவ‌கதால் இப்படி எல்லோரும் நவுக்ரியை ஒட்ட வைத்து கொண்டு விடுகின்றனர்.அதோடு நவுக்ரி என்னும் சொல்லுக்கு இந்தி மொழியில் வேலை என்ற பொருள் இருப்பதும் இத‌ற்கான‌ கார‌ண‌மாக‌ அமைந்துள்ளது.
ஆனால் பெண்க‌ளுக்கான‌ ந‌வுக்ரி த‌ள‌த்தை இந்த ப‌ட்டிய‌லில் சேர்க்க‌ முடியாது.ஒரு வெற்றிக‌ர‌மான‌ த‌ள‌த்தை போலி செய்து துவ‌க்க‌ப்ப‌ட்ட‌ த‌ள‌மாக‌ இல்லாம‌ல் த‌னித்துவ‌ம் மிக்க‌ த‌ள‌மாக‌ ந‌வுக்ரி பார் வும‌ன் விள‌ங்குகிற‌து.
பெண்க‌ளுக்கான‌ பிர‌த்யேக‌ வேலை வாய்ப்பு இணைய‌த‌ள‌ம் என்ப‌து தான் இத‌ன் த‌னிச்சிற‌ப்பு.அதாவ‌து வேலை வாய்ப்பு த‌ள‌ங்க‌ளில் ஒரு ம‌க‌ளிர் ம‌ட்டும் த‌ள‌ம்.
ஆணும் பெண்ணும் ச‌ரி ச‌மாமாக‌ போட்டியிடும் கால‌த்தில் பெண்க‌ளுக்கான‌ த‌னி வேலை வாய்ப்பு த‌ள‌ம் ச‌ரி தானா?தேவை தானா?என்று கேட்க‌லாம்.ச‌ரிய‌ த‌வ‌றா என்ப‌து அவ‌ர‌வ‌ர் நிலைப்பாடு ம‌ற்றும் புரித‌ல் சார்ந்த‌து.ஆனால் தேவையா இல்லையா  பொருத்த‌வ‌ரை தேவை என்றே தோன்றுகிற‌து.
பெண்க‌ள் விஷேச‌மான‌ திற‌மைக‌ளை பெற்றிருப்ப‌தாலும்,அவ‌ர்க‌ளின் ப‌ணியிட‌ தேவைக‌ள் ஆண்க‌ளின் தேவையில் இருந்து மாறுப‌ட்ட‌தாக‌ இருப்ப‌தாலும் பெண்க‌ளுக்கான‌ த‌னி வேலை வாய்ப்பு த‌ள‌ம் அவ‌சிய‌ம் என்று உண‌ர்ந்து இத‌னை துவ‌க்கியிருப்ப‌தாக‌ இந்த‌ த‌ள‌த்தில் குறீப்பிட‌ப்ப‌ட்டுள்ள‌து.
ச‌ராச‌ரியான‌ வேலை வாய்ப்பு த‌ள‌த்தை போல‌ இந்த‌ த‌ள‌த்திலும் ப‌குதி வாரியாக‌ வேலைக‌ளை தேடுவ‌த‌ற்கான‌ வ‌ச‌தியும் அத‌ற்கு முன்பாக‌ ப‌யோ டேட்டாவை ச‌ம‌ர்பிக்கும் வ‌ச‌தியும் இட‌ம்பெற்றுள்ள‌ன‌.அதே போல‌ நிறுவ‌ன‌ங்க‌ள் த‌ங்க‌ளின் வேலை வாய்ப்பு விவ‌ர‌ங்க‌ளை ச‌ம‌ர்பிக்க‌லாம்.
என்ன‌ துறையில் எந்த‌ ந‌க‌ரில் வேலை தேவை என‌ குறிப்பிட்டு தேடும் வ‌ச‌தி இருக்கிற‌து.வீட்டில் இருந்தே பார்க்க கூடிய‌ வேலை,பகுதி நேர வேலை போன்ற தேர்வுகளையும் செய்து கொள்ளலாம்.இந்த‌ தேட‌லை மேலும் சுல‌ப‌மாக்க‌ ச‌மீப‌த்திய‌ வேலை ம‌ற்றும் சூடான‌ வேலை(பிர‌ப‌லாமாக‌ இருப்ப‌வை)என‌ தனித்த‌னி த‌லைப்புக‌ளிலும் வேலை வாய்ப்புக‌ள் ப‌ட்டிய‌லிட‌ப்ப‌ட்டுள்ள‌ன‌.
வேலை வாய்ப்பில் முன்ன‌ணி வ‌கிக்கும் நிறுவ‌ன‌ங்க‌ளுக்கும் த‌னி ப‌குதி உள்ள‌து.
இந்த‌ த‌ள‌த்தின் ம‌ற்றொரு சிற‌ப்ப‌ம்ச‌ம் பெண்க‌ள் த‌ங்களுக்குள் தொட‌ர்பு கொண்டு ஆலோச‌னைக‌ளை பெற‌லாம் என்ப‌தே.வேலை வாய்ப்பு ம‌ற்றும் ப‌ணி சூழ‌ல் தொட‌ர்பான் ச‌ந்தேக‌ங்க‌ளைம் கேள்விக‌ளாக‌ கேட்டு விள‌க்க‌ம் பெறுவ‌த‌ற்கான‌ விவாத‌ ப‌குதி இத‌ற்கு உத‌வுகிற‌து.
இந்த‌ ப‌குதியில் உள்ள‌ கேள்வி ப‌தில்க‌ள் ம‌ற்றும் ஆலோச‌னை குறிப்புக‌ள் முத‌ன் முத‌லாக‌ வெளியே வ‌ரும் பெண்க‌ளுக்கு நிச்ச‌ய‌ம் கைகொடுக்கும்.
வேலை வாய்ப்பு தொட‌ர்பான‌ எந்த‌ ச‌ந்தேக‌த்திற்கும் பெண்க‌ள் இத‌ன் மூல‌ம் விள‌க்க‌ம் பெற‌லாம்.
ஏலை வாய்ப்பு என்பதே பெண்களுக்கான‌ மேம்பாட்டிற்கான் வ‌ழி என்ற‌ ந‌ம்பிக்கையில் அத‌ற்கு உத‌வும் வ‌கையில் இந்த‌ த‌ள‌ம் அமைக்க‌ப்ப‌ட்டுள்ள‌தாக‌ இத‌ன் பின்னே உள்ள‌ பிரியா ம‌ற்றும் புல்ல‌க் மொக‌ந்தி கூறுகின்ற‌ன‌ர்.எல்லா பெண்க‌ளும் ஏதாவ‌து ஒரு வேலைக்கு சென்று த‌ங்க‌ல் குடும‌ப‌த்தின் நிதி ஆதார‌த்தை பெருக்க‌ உத‌வ‌ வேண்டும் என்ப‌தே த‌ங்க‌ளின் நோக்க‌ம் என்று அவ‌ர்க‌ள் சொல்கின்ற‌ன‌ர்.
இந்த‌ இருவ‌ரும் ஏற்க‌ன‌வே மேம்சாப் என்னும் த‌ள‌த்தை ந‌ட‌த்தி வ‌ருகின்ற‌ன‌ர்.உல‌க‌ம் ம் உழுவ‌தும் உள்ள‌ மேம்சாப்க‌ளை (திரும‌திக‌ள்)ஒன்றினைப்பத‌ற‌காக‌ உருவாக்க‌ப்ப‌ட்ட‌ த‌ள‌ம் இது.
ந‌வுக்ரியோடு இணைந்த‌ த‌ள‌ங்க‌ளில் இன்னொரு குறிப்ப‌ட‌த்த‌க்க‌ த‌ள‌மும் இருக்கிற‌து.ச‌ர்கார் ந‌வுக்ரி என்னும் அந்த‌ த‌ள‌ம் அர‌சு வேலைக‌ளை ப‌ட்டிய‌லிடுகிற‌து.
ந‌வுக்ரி பெய‌ரில் ஏக‌ப்ப‌ட்ட‌ த‌ள‌ங்க‌ல் இருக்க‌லாம்.ஆனால் வேலை என்னூம் சொல்லில் பிர‌த்யேக‌ த‌ள‌ங்க‌ள் இல்லை.யாராவ‌து வேலை.காம் என‌ த‌மிழில் த‌மிழ‌னுக்கான‌ வேலை வாய்ப்பு த‌ள‌த்தை ஆர‌ம்பிக்க‌லாமே.
——–(பின்குறிப்பு)
நவுக்ரி பெயர் கொண்ட தளங்களில் உருப்படியாக இருப்பது நவுக்ரிஇந்தியா இணையதளம்.வேலையில்லாமல் இருப்பதற்கு முற்றுப்புள்ளி என்னும் முழக்கத்தோடு செயல்படும் இந்த தளம் வடிவமைபிலும் சரி உள்ளடக்கத்திலும் சரி சிறப்பானதாக‌ இருக்கிறது.மிக எளிமையான வடிவமைப்பு பார்ப்பதற்கு மட்டும் அல்ல பயன்படுத்துவதற்கும் ஏற்றதாக உள்ளது.
——-
 http://www.naukriforwomen.com/

மேப்கட்டில் உங்கள் அடையாளம்

இண்டெர்நெட்டில் வெற்றி பெற என்ன வழி? அதற்கு வேறொன்றும் தேவையில்லை. கொஞ்சம் புத்திசாலித்தனம் இருந்தால் போதும். புதிதாக யோசிக்கக்கூடிய புத்திசாலித்தனம்.
அத்தகைய சாமர்த்தியம் இருந்தால் உலகையே கூறுபோட்டு விற்றுவிடலாம். மேப்கட் இணைய சேவை அதைத்தான் செய்கிறது.
உலகில் உள்ள ஒவ்வொரு இடத்தையும் வரைப்படத்தைக்காட்டி விற்க முடிந்தால் எப்படி இருக்கும்? மேப்கட் இதைத்தான் செய்கிறது. வரைபடத்தில் உங்களுக்கான இடத்தை மேப் கட் மூலம் வாங்கிக் கொள்ளலாம்.
ஏக்கர் கணக்கில் தரிசாக கிடக்கும் நிலத்தை
பிளாட் போட்டு விற்பது போல மேப் கட்  வரைபடத்தில் பிளாட் போட்டு விற்பனை செய்கிறது. உடனே இது ஏதோ மோசடி என்று நினைக்க வேண்டாம்.
இண்டெர்நெட்டை புரிந்து கொண்டதன் பயனாக
ஏற்பட்ட புரிதலினால் வெளிப்பட்ட சாமர்த்தியம் இது.
இண்டெர்நெட்டில்  டொமைன் பெயர் எனும் இணைய முகவரிகள் விற்பனை செய்யப்படுகிறது அல்லவா. அதேபோல, தனி நபர்களுக்கான அடையாளமாக விளங்கக்கூடிய பெயர்களை மேப்கட் விற்பனை செய்யும் சேவையை வழங்கி வருகிறது. இணைய முகவரிகளை பதிவு செய்து கொண்டால் அது உங்களது இணைய தளத்திற்கான நுழைவு வாயிலாக அமையும்.
அதே போல, மேப்கட் அடையாளமானது சைபர்
உலகில் உங்களுக்கான அடையாளமாக திகழும் என்கிறது மேப்கட். இண்டர்நெட்டில் எல்லோரும் எதாவது ஒரு வகையில் இடம் பெற்று வருவதையும், இணைய வரைபடத்தில் ஒருவரது இருப்பிடத்தை துல்லியமாக குறிப்பிடமுடிவதையும் அழகாக இணைத்து இந்த சேவையை மேப்கட் உருவாக்கி உள்ளது.
கூகுலின் வரைப்பட சேவையில் ஒருவருடைய வீட்டு முகவரி அல்லது அலுவலக முகவரியை குறிப்பிட்டு இருப்பிடத்தை கண்டறிய முடியும். இது மிகவும் சுலபமானது. ஆனால், அதே நேரத்தில் சிக்கலானது.
காரணம் முகவரி முழுவதும் தெரிந்தால் தான் குறிப்பிட்டு தேட முடியும். வெறும் பெயரை மட்டும் குறிப்பிட்டு தேட முடியாது.
மிகப் பிரபலமாக இருக்கும் நினைவு சின்னங்கள் மற்றும் நிறுவனங்களின் இருப்பிடத்திற்கு மட்டுமே அது சாத்தியம்.
மேப்கட் சேவை சாமான்யர்களுக்கும் இந்த வசதியை வழங்குகிறது. எப்படி என்றால், இணையவாசிகள் இந்த தளத்தில் உறுப்பினராக பதிவு செய்து கொண்டு தங்கள் பெயர் அல்லது விருப்பமானதொரு அடையாளத்தில் தங்களது இருப்பிடத்தை பதிவு செய்து கொள்ளலாம்.
அதன் பிறகு, நண்பர்கள் அல்லது தெரிந்தவர்களை சந்திக்கும் போது விசிடிங் கார்டு கொடுப்பது போல, மேப்கட் அடையாள சொல்லை மட்டும் கொடுத்தால் போதும். அவர்கள்  அந்த சொல்லை டைப் செய்தால், வரைபடத்தில் இணைய வாசியின் இருப்பிடம் சுட்டிக்காட்டப்படும்.
இப்படி இணையவாசிகள் தங்கள் வசிப்பிடம் அல்லது பணியிடத்தை பதிவு செய்து கொள்ளலாம். மேப்கட்டில் அவற்றுக்கான குறுக்குவழி உருவாக்கப்பட்டிருக்கும். உலகில் உள்ள எந்த இடத்தை வேண்டுமானாலும் இப்படி பதிவு செய்து கொள்ளலாம்.
இந்த சேவை அடிப்படையில் இலவசமானது என்றாலும், மேம்பட்ட வசதிகள் தேவை என்றால் கட்டணம் செலுத்த வேண்டும். கட்டணம் கொடுக்கும் பட்சத்தில் வரைப்படத்தில் இருப்பிடம் காட்டப்படுவதோடு, அதே பக்கத்தில் ஒருவருடைய பேஸ்புக், டிவிட்டர் முகவரி, இமெயில் முகவரி, இணையதளம் என சகலவிதமான தகவல்களையும் இடம் பெற செய்ய முடியும். அது மட்டுமல்லாமல் இலவச பதிவு என்றால் வேறு இடத்திற்கு செல்லும் போது, மேப்கட் அடையாளத்தை மாற்றிக் கொள்ள முடியாது. ஆனால் கட்டண சேவையில் இது சாத்தியம்.
உலகில் உள்ள ஒவ்வொரு இடத்திற்குமான இணைய குறுக்குவழி என்று மேப்கட் தன்னை வர்ணித்து கொள்கிறது.