நிஸ்ஸான் இல் டீசல் கார்

ஒரு லிட்டர் டீசலில் 21.64 கி.மீ. தூரம் ஓடக் கூடிய டீசல் காரை நிஸ்ஸான் நிறுவனம் இந்திய சந்தையில் இன்று அறிமுகம் செய்துள்ளது. உலகப் புகழ் பெற்ற ரெனால்ட் நிறுவனத் தயாரிப்பான கே9கே டீசல் 1.5 லிட்டர், 4 சிலிண்டர் இயந்திரம் பொருத்தப்பட்ட சன்னி டீசல், நகர வாசிகளுக்கும், நீண்ட நெடிய பயணத்திற்கும் மிகவும் ஏற்றதாகும் என்று நிஸ்ஸான் நிறுவனம் கூறியுள்ளது. நிஸ்ஸான் எக்ஸ்.எல்.எனும் வகையின் விலை ரூ.7,98,000, நிஸ்ஸான் எக்ஸ்.வி. எனும் வகையின் விலை ரூ.8,78,000 என்றும் நிர்ணயிக்கப்பட்டுள்ளது. ஆறு வண்ணங்களில் கிடைக்கும் இந்த கார்கள், மிகவும் பாதுகாப்பாக வடிவமைக்கபட்டவை என்று நிஸ்ஸான் கூறியுள்ளது. சன்னி டீசல் காரின் விலை இந்தியாவின் எல்லா நகரத்திலும் ஒரே விலைக்கு விற்கப்படும் என்று அறிவித்துள்ள நிஸ்ஸான், தனது 47 விற்பனை நிலையங்களில் இன்று முதல் விற்பனை பதிவு செய்து கொள்ளலாம் என்று கூறியுள்ளது.