சாலை அமைக்க வீடு வீடாக பிளாஸ்டிக் சேகரிப்பு

பிளாஸ்டிக் தார் சாலை அமைக்க வீடு வீடாக பிளாஸ்டிக் சேகரிப்பு வரும் ஜனவரி 4-ம் தேதி தொடங்குகிறது.இது குறித்து சென்னை மாநகராட்சி வெளியிட்டுள்ள செய்தி:பிளாஸ்டிக் தார் சாலை அமைக்க தேவையான அடிப்படை மூலப்பொருள் பிளாஸ்டிக் கழிவுகளாகும். இவை அழுக்கில்லாமலும் காய்ந்த நிலையிலும் இருக்க வேண்டும். பிளாஸ்டிக் தார் சாலை அமைக்க தேவையான பிளாஸ்டிக் கழிவுகளை சேகரிக்கும் பணியில் சென்னை மாநகராட்சியின் துப்புரவு பணியாளர்கள் ஈடுபடுகின்றனர். வீடு வீடாக பிளாஸ்டிக்கழிவுகளை சேகரிக்கும் பணி வரும் ஜனவரி 4-ம் தேதி முதல் தொடங்கும். பொதுமக்கள் பிளாஸ்டிக் கழிவுகளை துப்புரவு பணியாளர்களிடம் அளித்து ஒத்துழைப்பு தருமாறு கேட்டுக் கொள்ளப்படுகிறார்கள். இவ்வாறு சேகரிக்கப்படும் பிளாஸ்டிக் பொருள்களைதுண்டுகளாக நறுக்கும் இயந்திரமும் ஏற்பாடு செய்யப்பட்டுள்ளது என்று அதில் கூறப்பட்டுள்ளது.